Avannaani misigisassaq

Inuusuttunut ukiup ilaani sulineq 18-30 ukiulinnut.

Nordjobb sunaava?

Nordjobb nunani avannarlerni inuusuttunut ikiup ilaannaani sulerusuttunut aaqqissuisartuuvuq. Nordjobb-ip qinnuteqartut inissarsiornerinik ikiortarpai aasaaneranilu peqqinnartumik susassaqarnissaannik neqeroorfigisarlugit. Aasaanerani suliffissat skandinaviamiutuunerupput soorlu naasorissaaneq, inussiarnisaarneq, eqqiaaneq, peqqissaaneq utoqqarnillu ikiuinaq.

Kikkut qinnuteqarsinnaappat?

Qinnuteqarniaruit uku piumasaqaataapput:

  • EU-mi nunani avannarliilluunniit naalangaaffiini innuttaasuussaatit
  • Skandinaviamiut oqaasiinnik naammattumik ilisimasaqassuutit paasisinnaallutillu
  • 18-it 30-illu akornanni ukioqarlutit

Piumasaqaatit sapinngiligit? 

Nordjobb-imut qinnuteqarit

Eqqumaffigiuk qinnuteqaatit svenskisut, qallunaatut norskisulluunniit allassagakku.
Qinnuteqaatit tuluttut, islandimiusut, savalimmiomiusut kalaallisulluunniit allaqqasut akuerinngilavut.

Suna siunertaava?

Norjobb-ip siunertarivaa inuusuttut Nunani Avannarlerni nuttarsinnaanerat annertusassallugu Nunanilu avannarlerni suliffeqarnerup iluani nukittorsaaqataallutik. Oqaatsit piorsarsimassuserlu pillugit ilisimasat Nunani avannalerni Nordjobb-ip annertusarpai. Siunertarisaq 1985-imi pilersinneqarpoq taamanimiillu inuit 27.000-it suliffittaartissimallugit.

Nordjobb-ip annertut aningaasaliisorai Nordisk Ministerråd, naalangaaffiit nunani avannarlerniittut nunanilu avannarlerni peqatigiiffiit. Nordjobb sinneqartoorutaanngitsumik ingerlasuuvoq sulisussarsiortunut qinnuteqartunullu akeqarani.

Dette websted anvender cookies. Hvis du fortsætter, har du accepteret brugen af cookies.