Er eitthvað sérstakt sem ég þarf að hafa í huga við ráðningu frá öðru norrænu landi?
Allir norrænir ríkisborgarar geta ráðið sig í vinnu í öðru norrænu landi án vandamála. Hafðu samband við verkefnastjórann í þínu landi varðandi spurningar sem gætu vaknað.
Kostar eitthvað að taka á móti Nordjobb þátttakendum?
Nei, þjónustan sem Nordjobb býður upp á er gjaldfrjáls. Nordjobb er rekið án hagnaðar og er að mestu leyti fjármagnað af Norrænu ráðherranefndinni.
Verð ég að útvega húsnæði handa starfskrafti?
Ekki er gerð krafa til atvinnurekanda um að útvega húsnæði.
Afhverju ætti ég að ráða ungmenni frá Nordjobb?
Nordjobb býr yfir rúmlega 30 ára reynslu af að miðla vinnu innan Norðurlandanna. Eitt af mikilvægum markmiðum Nordjobb er að auka hreyfanleikann á norræna vinnumarkaðnum og sýna fram á möguleika á að vinna og búa í nágrannalandi. Þegar þú notar þjónustu Nordjobb færðu fría aðstoð við ráðningu og leggur einnig þitt af mörkum til norræna samstarfsins.
Hvað er árstíðabundin vinna?
Árstíðabundin vinna er vinna sem er tímabundin á ákveðnum hluta ársins. Til dæmis getur það verið á annasömum tímum þegar þörf er á aukastarfsfólki til að sinna ákveðnum verkefnum. Það getur líka verið sérstök tegund vinnu sem er aðeins unnin á ákveðnu tímabili. Algengustu tegundir tímabundinna starfa sem Nordjobb skipuleggur eru sumarstörf og vetrarstörf, en það er einnig möguleiki á að finna vinnu á vorin eða haustin. Stundum vinna Nordjobbarar í lengri tíma og þar með ekki bara yfir eina árstíð. Hafðu samband við okkur og segðu okkur frá þínum þörfum, og við munum sjá hvort við getum útvegað þér starfsfólk.