Ráðum norrænt

Ert þú að leita að starfsfólki fyrir árstíðabundið starf? Láttu Nordjobb sjá um að finna starfsfólkið fyrir þig.

Möguleikar Nordjobb

  • Áhugasamt, hæft starfsfólk
  • Ókeypis hjálp með ráðninguna
  • Tímabundið starfsfólk í mismunandi starfsgreinum                   

Afhverju Nordjobb?

  • Þjónusta Nordjobb er þér að kostnaðarlausu
  • Rúmlega 30 ára reynsla af ráðningaferlum
  • Þú leggur þitt af mörkum til norræna samstarfsins

Svona virkar þetta

Nordjobb auðveldar ykkur að ráða starfsfólk frá öðru norrænu landi. Svona virkar ferlið:

1. Þið sendið okkur upplýsingar um hæfnikröfur starfsins

Nordjobb á í nánum samskiptum við vinnuveitandann til að finna umsækjendur sem uppfylla hæfnikröfurnar. Þið veitið okkur upplýsingar um hæfnikröfurnar og skilyrðin sem gilda um starfið.

2. Nordjobb finnur umsækjendur sem mæta þörfum ykkar

Nordjobb birtir starfsauglýsingu með upplýsingar um starfið. Starfsfólk Nordjobb fer yfir umsóknir jafnóðum og sendir ykkur þær sem uppfylla hæfnikröfurnar sem þið hafið gefið upp. Einnig leitum við að umsækjendum í gagnagrunni okkar meðal þeirra sem hafa sent inn almenna umsókn.

3. Við sendum ykkur bestu umsóknirnar

Nordjobb sendir ykkur bestu umsóknirnar gegnum ráðningarkerfi okkar. Þið fáið hlekk í tölvupósti sem þið opnið til að sjá umsóknir og ferilskrár umsækjenda. Þið getið skráð athugasemdir við umsóknir. Í kjölfarið getið þið haft samband við umsækjendur í síma eða tölvupósti. Starfsfólk Nordjobb getur þó einnig aðstoðað við að hafa samband við umsækjendur ef þið viljið.

4. Þið sendið atvinnutilboð (og látið Nordjobb vita af því)

Þegar þið hafið valið umsækjendur sem þið viljið ráða sendið þið viðkomandi atvinnutilboð. Þið þurfið einnig að láta Nordjobb vita þegar búið er að ganga frá ráðningu, þá getum við skráð viðkomandi sem Nordjobbara og sent allar upplýsingar varðandi praktísk atriði.

5. Nordjobb aðstoðar starfsmanninn við öll praktísk atriði

Nordjobb veitir starfsmanninum allar praktískar upplýsingar varðandi atvinnu á Íslandi, svo sem um kennitölu, bankareikning, skattframtal o.s.frv. Við útvegum einnig húsnæði. Við bjóðum upp á frístundadagskrá og möguleika til að kynnast öðrum norrænum ungmennum.

Nordjobb er fyrst og fremst fjármagnað af Norrænu ráðherranefndinni og er í umsjá regnhlífasamtaka Norrænu félaganna. Tilgangur Nordjobb er að auka hreyfanleika á norræna vinnumarkaðnum.

Dette websted anvender cookies. Hvis du fortsætter, har du accepteret brugen af cookies.