Vestnordjobb

Vestnordjobb verkefnið stuðlar að aukinni þátttöku vestnorænna ungmenna í Nordjobb, með sérstaka áherslu á að auka ungmennaskipti milli Íslands, Færeyja og Grænlands.

Í gegnum tíðina hefur samstarf milli þessara þriggja landa verið náið. Þrátt fyrir það hefur samstarfið verið ansi takmarkað milli ungmenna. Því viljum við breyta þar sem við trúum því að með aukinni þekkingu og sterkari tengslum milli ungs fólks á vestnorrænu löndunum getum við átt enn nánara og fjölbreyttara samstarf í framtíðinni.

Markmið okkar

Markmið okkar er að aðstoða fleiri norræn ungmenni við að komast í Nordjobb og þá sérstaklega á vestnorrænu löndunum. Nordjobb er ein besta leiðin fyrir þig til að kynnast nágrannaþjóðum okkar, læra tungumál þeirra og verða hluti af norræna samfélaginu.

Þannig getum við styrkt stöðu vestnorrænu landanna sem mun leiða til jákvæðrar þróunar innan norræna samstarfsins. Þetta er allt liður í því að gera Norðurlöndin að sjálfbærasta og samþættasta svæði heims í samræmi við Framtíðarsýn Norrænu ráðherranefndarinnar 2030.